برهيه* چاتماميش يولو ايتيردين
اووو تانياسان ايزيندن گرك
كؤلگهنين آلتيندا دولاناق دئدين
ايگيدين كؤلگهسي اؤزوندن گرك
دانيشدين همشه اؤزگه آديندان
اؤز آدين اؤز سؤزون چيخدي ياديندان
بسدي يارالاما قول قاناديندان
قوشو دا ويراسان گؤزوندن گرك
دئدين گلجكله ياشاييرام من
گؤرمهديم هله كي سن يول اوستهسن
اگر گلجگه اوچماق ايستهسن
مؤحكم ياپيشاسان بو گوندن گرك
______
بره:
گذرگاه. معبر. كمين. كمينگاه. راه فرار. راه گريز. مرز راه بين قطعات جاليز. جوي باريك براي آبياري كشتزارها. راه آب.
قوشوق: بختيار واهابزاده، آخي دونيا فيرلانير، نشر پينار